🎉 Балаларды қорғау күніне орай ұйымдастырылған танымдық экскурсия!

Балаларды қорғау күніне орай №76 мектеп-лицейі мен ювеналды полиция бөлімшесінің бірлесіп ұйымдастыруымен оқушылар үшін ерекше танымдық экскурсия өткізілді.

Оқушылар арнайы автобуспен елордамыздың көрнекті орындарын аралап, тарихы терең нысандар туралы мол мағлұмат алды. Гидтің сүйемелдеуімен олар:

• Елордадағы еңселі Бас мешітті,

• Көнеден сыр шертетін Ескі қаланы,

• Атырау көпірін,

• Символға айналған Бәйтерек монументін,

• Пирамида (Бейбітшілік және келісім сарайын),

• Ұлттық мұражайды,

• Сондай-ақ Астана қаласының даму тарихын тамашалап, тың мәліметтерге қанықты.

Гид 1991 жылдан басталған Ақмоланың Астанаға айналу тарихы, қаланың 27 жылдық даму жолы және 6 шілде — Астана күні туралы қызықты ақпараттармен бөлісті.

Экскурсия оқушылар үшін мазмұнды әрі әсерлі өтті. Олар туған қаласының өткені мен бүгіні жайлы тың мәліметтер алып, ерекше көңіл күймен оралды. 🌆🚌📚